Argi dago lesbianen eta gayen aldeko erakunde guztiak oso pozik egongo direla gero eta euskaldun gehiagok “gai” nahi izan dutelako.

Nire kasuan, euskaltegian hasi nintzen lehenengo egunetan (aspaldi), oraindik ez nuen ezagutzen “gai” izatearen esanahia, baina euskara ikasteari berriro ekin nion urtean “gai” izatea zer zen ikasten hasi nintzen.

Nire lehenengo esperientzia orain dela bi urte izan zen HABEko 1. mailako azterketan izena eman nuenean. Oso urduri nengoen nire lehenengo aldia zelako, eta uste nuen ez nuela jakingo nola egin behar nuen ezta zer egin behar nuen. Halere, gelatxo hartatik atera nintzenean pozik atera nintzen nire lehenengo harremana jadanik eginda neukalako. Egun batzuk pasa ondoren begiratu nuen HABEren web-orrian, eta konturatu nintzen 1.mailan “gaindituta” jarri beharrean  “gai” nintzela jarri zutela.  A zer poza egun hartakoa!. Oraindik gogoratzen dut nola sartu nintzen klasean esaten “soy gay, soy gay”

Nire lehenengo esperientzia hura oso inportantea izan zen, are gehiago, esango nuke nire bizitzaren esperientziarik onenetariko bat izan zela.

Gelatxo hartan bizi izandakoak bultzatu ninduen aurrera egitera. Orduan nire euskararekiko harremana hobera joan zen, jada ez neukan lotsarik, ez neukan beldurrik, eta gero eta “gai”-agoa izateko gogoa neukan. Horrela jarraitu nuen probak eta probak egiten, eta leku guztietako gelatxoetan sartzen: Gasteizko aularioan, Samaniego ikastetxean, UNEDen… nire “gela ilun” kuttunak izango balira bezala.

Azken proba aurten egin dut, 3. mailako proba. Eta jakin behar duzue maila hori gainditzeak GAI (letra larriz) izatea esan nahi duela. Eta, badakizue zein den emaitza? Ez nuela inoiz pentsatuko hain harro esango nuela GAI naizela.

Beraz, egoera horretan zaudetenei: Animo, ea GAI izatea lortzen duzuen!

Dakizuenez, aste honetan egiten ari  dira Osakidetzako ahozko probak, eta uste dut jadanik komentatu nizuela nik joan behar nuela aspaldi eman nuelako izena.

Gaurko sarrera zuzenduta dago Osakidetzako 2.H.E.ren ahozko proba egin behar duzuenentzat, hori baita, hain zuzen ere nik egin berri dudana.

Ikusi dut askok interneten bilatzen duzuela zeintzuk diren ahozko probetako gaiak, eta horretarako nago ni.

Esan dizudanez, nik gaur goizean egin dut ahozko proba, eta ondorengo gai hauek jarri dituzte:

- Mania ala perfekzioa?

- Umeen gizentasuna

Nik neuk maniarena aukeratu dut berria delako. Izan ere, gizentasunarena milaka aldiz egin dut eta nahiko aspertuta nago gaiarekin.

Gai horretan aipatu behar izan dugu zein den maniaren eta perfekzioaren arteko desberdintasuna, zergatik sortzen den, arazoak sortzen duen elkarbizitzarako, eta galdera bat bota dute: lagun bat beti berandu ailegatzen denean nork eman behar du amore? zuk edo lagunak?

Horrez gain, beti bezala, hasieran galdera batzuk egin dizkidate eta nire bizitza osoa kontatu diet: nongoa naizen, zer nahiago dudan Bilbo ala Gasteiz, zer ikasi dudan, non egiten dudan lan, zein den nire euskararekiko harremana…

Bukatu baino lehen esan behar dut oso gustura egon naizela, epaimahaikoak oso atseginak izan baitira. Beraz, lasai, eta gozatu!

Beno, espero dut nire informazioa erabilgarria izatea, eta bidez, nire eskematxoa jarriko dizuet zuek ikusteko nola egiten dudan ideiak emateko.

Dakizuenez, azken hamarkadan aldaketa handi bat nabaritu dugu gure bizitzan, Internet izeneko gauza ulergaitz bat gure etxeetan sartu delako. Ez dakigu zehazki zer den, ezta nola demontre funtzionatzen duen; Halere, badakigu bizitza erraztu digula. Izan ere, kontu korronteak kontsulta ditzakegu banketxera joan gabe, erosketak egin ditzakegu supermerkatura hurbildu barik, eta lagunekin hitz egin dezakegu nahiz eta telefonorik eduki. Hau da, ez gara etxetik mugitu behar eguneroko eginbeharrak burutzeko. Eta hori gutxi ez bada, gizarte sareak ditugu are alferrago egiteko.

Nik orain dela gutxi ezagutu nuen mundu berri hori, eta egia esan, ez nuen oso gustuko, ez nuelako ulertzen zergatik jendeak behar zuen leku birtual bat “kafea hartzeko”. Izan ere, nik ikusten nuen hor hitz egiten zuen jendeak kafetegi bateko solasaldiak zituztela, eta askotan pentsatzen nuen: “-eta zergatik ez dira elkartzen taberna batean ordenagailuaren aurrean arratsalde osoa eman beharrean?-“. Baina pixkanaka ikusten hasi nintzen hitz egiteko toki bat baino gehiago zela; urruneko lagunekin harremanetan jartzen zirela, partaideek zaletasunak trukatzen zituztela, argazkiak konpartitzen zituztela, eta test tontoren bitartez haien jakin-mina asetzen saiatzen zirela.

Hori dela eta, gizarte sareak tontakeria bat izatetik mundu bitxi bat izatera pasatu dira niretzat, eta horren adibidea da hemendik aurrera El Euskaltegi bloga Facebook-en daukazuela. Horrela, nire asmoa da leku bat edukitzea komunikatzeko, ideiak trukatzeko, kritikatzeko, eta beharrezkoa bada, askok edukiko duzuen kokoteraino nago euskararekiko pentsamendua barrutik kanporatzeko. Beraz, bisita egin, eta gozatu!

Aurreko egunean, korreo elektronikoa arakatzen ari nintzela lagun baten mezuaren titulua irakurri nuen: RV:RV:como se dice en vascuence………?. Power point madarikatuen horietako bat izango zelakoan ez iriketzea pentsatu nuen. Izan ere, kokoteraino nago horrelako mezuak jasotzeaz. Baina, jakinminez, irekitzea erabaki nuen, eta ondorengo hau topatu nuen:

Cómo se dice en vascuence……… CAZADORA?

Bitxia, ezta?

Hemendik eskertu nahi diot Pull and Bear-ri ahalegina egin izana. Hala ere, ez duzue uste errezagoa dela herrikoei galdetzea hiztegian begiratzea baino?

Oharra: Mila esker, Nerea, mezua bidaltzeagatik.

Hasi baino lehen, esango dizuet irakurriko duzuen ondorengo sarrera idatzi nuela  EGAren ahozkoa egin baino egun batzuk lehenago.

Dakuzienez EGA agiria lortzeko prozedura oso luzea da. Izan ere, 3 azterketa dira, eta horien guztien artean itxaroteko tarte handi bat dago.

Une honetan, aurreko bi probak gainditu ditugunok eta pazientzia izan dugunok ahozko proban gaude.

Nik, gaur, txoko hau erabiliko dut aldarrikatzeko laguntasuna ikasleon artean ahozko probarako. Baina zergatik jakiteko, aldez aurretik puntu batzuk komentatuko ditut

Aztertzaileentzat:

1. Kokoteraino gaude hainbeste azterketarekin. Ia 4 hilabete daramatzagu azterketak egiten. Nik aspaldi ez dut asteburu lasai bat izan azterketa gehienak larunbatetan direlako
2. Kokoteraino egoteaz gain, nekatuta gaude urte osoa eman dugulako azterketak prestatzen: hamaika atariko, hamaika idazlan, eta hamaika eztabaida. Ideiak bukatu zaizkigu!
3. Nire ahozko proba ekainaren 5ean izango da, arratsaldean, 16:30 hain zuzen ere, eta esan behar dut ez dela unerik aproposena azterketa bat egiteko. Izan ere, bazkaldu ondoren energia osoa tripara doa, beraz, ez gara oso finak ibiliko testu bat irakurtzeko, ezta eztabaida batean ezezagun batekin aritzeko ere . Are gehiago, 16:30 dira lo kuluxka egiteko eta ez azterketa bat egiteko.
4. Asteburu honetan ahozkoa egin dutenek esan dizkidate testu batzuen gaiak: kromagnon gizona, medusak, arrantza…ez dakit zer uste duzuen, baina nire ustez horiek nahiko konplikatuak dira kontatzen. Eztabaidatzeko gaiak ere ez dira oso eztabaidagarriak izan, nire ustez: aitona-amonen bizitza eta robotika(?), besteka beste. Mesedez, aztertzaileok: zentzudunak izan eta zintzo jokatu gurekin, dagoeneko gehiegi sufritu dugu.
5. Bukatzeko, esan behar dut betikoa: oso urduri gaudela, eta hori ere kontuan hartzeko.

Ikasleoi:

1. Goikoa irrakurri baduzue, nik uste dut horretan guztion sentimenduak aipatu ditudala. Hori dela eta, ahozko probara sartzean gogoratu denok egoera berean gaudela, eta denok gainditu nahi dugula. Eta beti gogoratu sartzen diren biek gaindi dezaketela, ez dela beharrezkoa besteari putada bat egitea  biontzako gainditzeko lekua dago eta.
2. 1. puntuan aipatu dudana kontuan hartuta, mesedez, zintzo jokatu zuekin sartzen denarekin. Izan ere, lagun batek esan dit eztabaida gaizki egin zuela besteak ez ziolako uzten hitz egiten eta berarekin oso bortitz jokatu zuelako. Ni pertsona hori izango banintz, oso lotsatuta egongo nintzateke, benetan!
3. Beti ere, gogoratu elkarrizketa begirunez egiten badugu, askoz errazagoa izango dela biontzat.

Hori guztia esanda, lasaiago geratu naiz.

Azken hitzak laburpen moduan: LAGUNTASUNA, MESEDEZ!

Pentsatu dut ideia ona izango litzatekeela Nor naukazue atal hau noizean behin eguneratzea aldaketa handiak egon baitira hilabete hauetan.

Lehenik eta behin, iaz baino urte bat helduagoa naiz: 30, bai, 30 urte ditut, nahiz eta oraindik nerabe baten aurpegia eduki.

Bigarrenik, 10. urratsa ia ahaztuta daukat zoritzarrez. Izan ere, abiadura hartu nuen eta 12.urratsa gaindituta azterketa guztiak egin nituen. Eta orain, kideok, esan dezaket EGAduna naizela.

Hala eta guztiz ere, ez nago uste nuen bezain alai ez dakidalako zer egin euskaltegirik gabe. Arraroa dirudien arren, oso gustura nengoen ikasten: lagunak, irakasleak, giroa, afariak…, eta ematen du orain hutsune bat daukadala horien guztien gabe. Gainera, euskaltegian nengoenean denbora gutxiago ematen nuen lanean, eta hori ere nabaritu dut ordutegi arruntera bueltatzean eguna luzeegia egiten zaidalako.

Ikusten duzuenez oso triste nago. Zer edukiko duen euskaltegiak droga bat izango balitz bezala behar dudala?

Osakidetzako azterketa egin behar duzuenok badakit abuztutik daramazuela Osakidetzaren weborria bisitatzen ea ahozkoa egiteko eguna ezartzen duten.

Bada, heldu da eguna, eta behingoz argitaratu dute egutegia. Beraz, jakin dezazuen ahozkoa honako egun hauetan izango dela:

http://ope2008.osakidetza.net/Avisos/81_eus.pdf

Haien weborrian esaten duten bezala ordutegi eta egun zehatzak aurrerago argitaratuko dira

Liburu honetan arazo batekin egiten dugu topo: film bat dagoela. Gehienok  zinemara joaten gara liburua irakurri baino lehen. Hala ere, nik, oraingo honetan, erabaki nuen ez nuela filma ikusiko liburua irakurrita eduki arte, eta horri esker, esan dezaket biek ez daukatela elkarrekin zer ikusirik, are gehiago, liburua filma baino politagoa dela.

Kritikak aparte utzita liburuarekin geratuko gara.

Ez dakit nola egongo den  idatzita gazteleraz, baina esan dezaket euskarazko itzulpena oso erraz irakurtzen dela, batez ere hiztegia ez delako zaila, eta gainera narrazioa oso arina delako.  Beraz, 1.B mailakoek gustura irakurriko duzue (4,5 eta 6.urratsa).

Liburuan agertzen den laburpena edo hitz aurrea: Deskribatzeko gaitza da Pijama marradunaz jantzitako mutikoaren istorioa. Eskuarki, argibidearen bat edo beste eman ohi dugu liburuaren atzeko aldean; baina, oraingoan, iruditu zaigu liburuaren irakurketa zapuztuko genukeela. Uste dugu garrantzitsua dela gaiaz ezertxo ere jakin gabe has zaitezen liburua irakurtzen.

Behin liburua irakurtzen hasiz gero, ibilaldi bati ekingo diozu, eta Bruno izeneko mutiko bat izango duzu bidelagun. Eta, lehenago edo geroago, Bruno eta biok hesi baten parera iritsiko zarete. Mundu osoan badira oraindik antzeko hesiak. Halakorik sekula zeharkatu behar ez izatea opa dizugu.

Nire laburpena edo iritzia: Ados nago hitz aurrean aipatutakoarekin, asko kontatuz gero, istorioak bere xarma galduko luke. Beraz, nik ere ez dizuet asko kontatuko.

Narrazioa Hitlerren aroan kokatzen da , eta Bruno izeneko mutiko bat daukagu protagonista. Hori da, hain zuzen ere, liburu honen berezitasuna. Izan ere, kontzentrazio-esparruei buruz milaka aldiz entzun duguna kontatzen digu egileak mutiko baten ikuspuntutik. Bitxia da nola horrela kontatuta guk uste baino are zentzugabekoagoa irudituko zaigun  garai  hartan bizi zen egoera latza.

Gaur, dendatxo bat izango balitz bezala berriro irekitzen ditut nire pentsamenduetako ateak bi hilabetez itxita egon ondoren.

Badakit nire oporrak luzeegiak izan direla blog honetan, baina jakin behar duzue euskaltegiko ikasleon bizitza oso gogorra  izan zela benetako oporrak hartu baino hilabete batzuk lehenago.  Izan ere, mota guztietako azterketak batu ziren hil berean, eta jakina, guztietan izena eman behar nuen, badaezpada. Hori dela eta, etxean idazten egon ordez, EHUko gelategian, Unamuno ikastetxean, Oblatetan eta BECen eman nituen nire azken asteburuak azterketak egiten. Ea nola atera zitzaizkidan ?. Kontu hori beste egun baterako utziko dugu…

]]> http://eleuskaltegi.wordpress.com/2009/09/03/irekita/feed/ 0 eleuskaltegi http://eleuskaltegi.wordpress.com/2009/07/24/itxita-oporretan-nago/ http://eleuskaltegi.wordpress.com/2009/07/24/itxita-oporretan-nago/#comments Fri, 24 Jul 2009 17:35:40 +0000 eleuskaltegi http://eleuskaltegi.wordpress.com/?p=430 ]]>

Ikusi duzuenez, azken bolada honetan ez dut izan astirik ezer idazteko, eta azkenean txartela zintzilikatu behar izan dut. Bai, oporretara joango naiz, beraz,  irailera arte ez gara berriro elkarrekin egongo, joaten naizen lekuan ez baitaukat internetik.

Ondo pasa oporretan, eta laster arte!